Астық дақылдарын өсіру бойынша Бородулиха мен Шемонаиха ауданы күткен межеге жете алмады. Бұл туралы ауыл шаруашылығы басқармасы басшысының міндетін атқарушы Владимир Гайламазян айтты, деп хабарлайды Алтайньюс тілшісі.

– Бородулиха мен Шемонаиха ауданы астық дақылдарын өсіруде біз жоспарлаған межеге жетіңкіремеді. Оған қуаңшылық (воздушная, почвенная засуха) себеп болып отыр. Десе де олар күнбағыс пен жеміс-жидектен жақсы өнім алып, осы кеткен есені қайтарады деп сенеміз, – дейді Владимир Гайламазян.

Айтуынша, аудандар арасында Глубокое мен Алтай жақсы нәтижеге жеткен. Әсіресе, арпа, бидай сынды күздік дақылдардан көрсеткіш жоғары.