Күршімде  Қабдолла Тұраров  атындағы  аудандық мәдениет үйінде   «Асыл әже - 2019» атты байқау өтті, деп хабарлайды Алтайньюс тілшісі.

Сайысқа Абай, Қалжыр, Маралды, Боран, Қалғұты ауылдық округтерінен келген ақ жаулықты әжелер қатысты. Байқаудың бірінші бөлімінде әжелеріміз өздерін өлең жолдарымен таныстырып, дайындап алып келген қолөнер бұйымдарын халыққа көрсетті.

Екінші кезеңде әсем ән салып, ұмытылып бара жатқан салт-дәстүрді дәріптейтін қойылымдар қойды.

«Асыл әже - 2019» байқауының бас жүлдесін Абайдан келген  үміткер Р.Аскетаева  иеленсе, 1-орынды   Боран ауылдық  округінің намысын қорғаған К.Үмітқалымқызы алды. Ал, жүлделі 2-орын  Қалжыр  ауылынан келген  Т. Исаеваға, 3-орын Маралды  ауылдық  округінен  келген Б.Бижанова мен Қалғұтылық М.Жомартоваға бұйырды.