«Керек десеңіздер біз де ақша жинайық». Семей жастары қалада скейтпарктың салынғанын армандап жүр, деп хабарлайды Алтайньюс тілшісі.

– Скейтпарктың жоқтығынан ескерткіштер маңына жиналамыз. Бізді көргендер сындырасыңдар деп қуып жібереді. Бірақ жай ғана скейтборд, самокат тепгіміз келеді. Жақында досымыз Нұр-Сұлтанға жарысқа кетті. Біз де сол сияқты командамызбен түрлі байқауларға қатысқымыз келеді. Бізге скейтпарк салып беріңіздерші, керек десеңіздер біз де ақша қосайық,  – дейді Әлихан Бөкейханның ескерткішінің жанына жиналған жастар тобы.

Ескерткіштен ескерткішке ауысып жүрген олар, қала басшылығына айтар өтініштерін бейнежазба арқылы жеткізіпті. Бейнежазба авторы Николай Гусаренко болса, ұлына алып берген скейтбордың шаң басып жатқанын тіпті талапқа сай асфальттың да жоқтығын айтады.