Қазақстан халқының саны 1 шілдеде 18,5 миллион адамға жетті, деп хабарлайды Алтайньюс тілшісі.

Қазақстанда 2019 жылдың 1 шілдесіне халық саны 18 миллион 507,9 мың адамға толды. Яғни 2018 жылдың 1 шілдесіндегі көрсеткішпен салыстырғанда 235,5 мың адамға немесе 1,3%-ға көп.

Осындай ақпаратты ҚР Ұлттық экономика министрлігінің Статистика комитеті таратып отыр.

Статистердің сөзіне сүйенсек, қала халқының саны 10 миллион 816,6 мың адамды немесе жалпы санының 58,2% - ын, ауыл халқының саны 7 миллион 726,3 мың адамды немесе 41,8%-ды құрайды.