Өскемендегі орталық базардың маңында тағы бір жүргіншілер жолағы пайда болды, деп хабарлайды Алтайньюс тілшісі.

Жәрдем мен Passage сауда дүүкендерінің аралығында бұрындары жүргіншілер ешқандай белгісіз-ақ жолды кесіп өтіп жүрген болатын. Сол себепті ол жерге арнайы белгі қойылды.

– Жол белгісін кеше орнаттық. Енді жолақ сызамыз. Ал автобус аялдамасын сол маңға жақын жердегі қалтарысқа көшіреміз, – деді қалалық әкімдіктің баспасөз қызметкері Владимир Землянский.

Ал жүргізушілер базар маңы болғандықтан осы жерден өтушілер екі есе көбейіп, кептеліс мүлде күшейетін болды деп күйінуде. Мәселенің қалай болары уақыттың еншісінде.