ШҚО-да тағы бір жұмысшы шахтада қайтыс болды, деп хабарлайды Алтайньюс тілшісі.

Бұл туралы KAZ Minerals-тың баспасөз қызметі мәлімдеді.

Дереккөздің ақпаратына сүйенсек, 17 шілде күні «Востокцветмет» ЖШС Артемьев шахтасының аумағында жарылыс жұмыстарын жүргізген Samid мердігерлік ұйымының қызметкері қаза тапқан.

– Оқиға орнындағы барлық жұмыс тоқтатылды. Қайғылы жағдайдың мән-жайы мен себеп-салдары анықталуда. Тергеу жөніндегі арнайы комиссия құрылды, – деп хабарлады баспасөз қызметі.

Естеріңізге сала кетейік, 13 шілдеде дәл осындай қайғылы оқиға «Востокцветмет» ЖШС-ның Орлов шахтасында болған еді.