Өскеменде жол жөндеу жұмысына байланысты Сәтпаев даңғылының бір бөлігі жабылды. Айналма жол қарастырылған, деп хабарлайды Алтайньюс тілшісі.

Даңғылдың ЖМК ауданына бастап барар бөлігі жабылды. Жеңіл көліктерге кептелісте тұрмау үшін қоалқы жол қарастырылған. Ол үшін «Фреш Маркет» сауда кешеніне бұрылып, соның артқы жағындағы жолмен жүру керек. Бұл Жастар көшесіне дейін бастап барады.

Бір айта кетерлігі, айналма жолмен жедел жәрдем, автобус және басқа да арнаулы көліктер жүрмейді.

– Жол бойына 46 белгі қойдық. Жүргізушілерден соларға қарап, ереже бұзбай жүруін сұраймыз, – деді Полиция басқармасы жол инспекциясының бастығы Сергей Коваленко.

Жол жөндеу жұмысы айдан астам уақыт жүреді. Сондықтан қосалқы жол кептелісті мүлде болдырмайды деп айта алмаймыз.