​ Семейде таңғы 06.00-ден түскі 12.00-ге дейін автобустар тегін жүрді. Әлеуметтік акцияға ниет білдірген автобус парктерін атап айтсақ, ​ «Таксамоторный парк» ЖШС, «Автомиги» ЖШС, «Семей көлігі Trast» ЖШС, «Семдордехника 2» ЖШС,​ «Муспиров» ЖК, «Автобусный парк» ЖШС және тағы басқалары.

Таңғы сағат 07.00-де Қалалық мәдениет сарайындағы 256 учаскіде ​ ҰОС ардагері Ахметкәрім Ахмадиев келіп дауыс берді. Одан кейін ​ 255 учаскіде ​ ҰОС ардагері Петр Коломиннің өзі де келіп дауыс берді. Семейдегі медицина университетіне орналасқан ​ 260 учаскіде сайлау учаскесінде қала әкімі Ермак Сәлімов отбасымен келіп дауыс беріп,​ Семей тұрғындарының ҚР Президенті сайлауындағы белсенділігі жоғары екенін атап өтті.

Сондай-ақ, Семейде таңғы 07.00- ден кешкі 2000-ге дейін (барлық учаскілерде) тұрғындарға «Insta-рамкамен суретке түс» атты байқауы жүріп жатыр. Жеңімпаздар 11 маусым күні анықталады. Сыйлықтар: 1 орын –«Айфон Х», 2 орын – «SONY PS4», 3 орын – «HUAWEI P20», 4 орын «Sony platinum» – сымсыз құлаққабы, 5 орын – «SONY портотивті зарядтау құрылғысы». Жеңімпаз ең көп лүпіл жинау қажет.

​ ​ ​ ​ ​ Сайлауға түңғыш рет баратын жастардың да қатары көп болды.Қала басшысының айтуынша Семейде​ ​ 149 сайлау учаскесі жұмыс істеп тұр. Бәрі де жұмысқа қажетті материалдармен қамтамасыз етілген. Дауыс беру барысын шетелдік бақылаушылар қадағалауда. Олар қалаға бірнеше кұн бұрын келіпті. Сондай ақ қалада түңғыш рет дауыс беретін жас сайлаушылардың саны шамамен 11-мыңға жуық екен. Барлық сайлаушы саны 200 мыңнан астам. Семейде сайлау әлі де жүріп жатыр. Жастар жағы әсіресе М. Әуезов атындағы педагогикалық колледжде орналасқан 225 учаскеге де келуде.