Бүгін ел тарихы үшін мәртебелі күндердің бірі – мемлекеттік рәміздер күні, деп хабарлайды Алтайньюс тілшісі.

Бұл күн еліміздің мемлекеттік рәміздері — Ту, Елтаңба, Әнұраны дүниеге келген күн ретінде тарих бетінде мәңгі есте қалады. Халқымыз осымен 27-ші жыл атаулы күнді тойлауда.

«Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданды. Осы Заңға сәйкес, жыл сайын 4 маусым мемлекеттік рәміздер күні ретінде мерекеленеді.

Мемлекеттік рәміздер тәуелсіздік нышаны ретінде ерекше қадірленіп, оларға биік мәртебе беріледі. Сондықтан мемлекеттік рәміздерді қастерлеу — республика азаматтарының қасиетті парызы.

Бұдан бөлек бүгін әлем халқы мынадай күндерді атап өтуде:

- Эстонияның мемлекеттік туы күні;

- Молдова банк қызметкерлерінің мейрамы;

- Ярило, Мокрый, Троян – славяндықтардың мерекесі;

- Халықаралық агрессияға ұшыраған балалар күні – БҰҰ мейрамы.