Голливудтың танымал әртісі, әрі продюсері Марк Уолберг Головкин туралы түсіріліп жатқан фильмнің продюсері, деп хабарлайды Алтайньюс тілшісі.

Бұл туралы Vesti.kz жазды. 

«40 дней» атты фильмді DAZN стриминг компаниясы түсіруде. Туынды Геннадий Головкин мен Стив Роллстың кездесуіне орайластырылған.

– Біз GGG-дің Big Bear лагеріне барғанда, Геннадийден оның бокстағы жолын кім айтып бере алатынын, ашып көрсете алатынын сұрадық. Ол бірден Марк Уолберг пен Питер Бергті ұсынды, – деп атап өтті DAZN компаниясының өкілі Джейми Горовиц.

Марк Уолберг BoxingScene басылымына берген сұқбатында бокстың жанкүйері ретінде DAZN компаниясымен әріптестікке қуанышты екенін жеткізді. Сондай-ақ бұл туынды Геннадийдің жекпе-жекке деген дайындығын көрсететінін айтты. 

– Big Drama Show жасау үшін көп жұмыс істеу керек. «40 күн» жаттығу лагерінде болдық. Бокс жанкүйерлері ондағы болған жаттығуларды толығымен көре алады. Біз Джонатан Бэнкспен Madison Square Garden алаңында болатын шайқасқа қызу дайындық үстіндеміз жатырмыз, – деді Головкиннің өзі.

«40 күн» – әлемге әйгілі боксшылар туралы деректі фильм сериялары. Головкин мен Роллс жекпе-жегі жайлы бөлімі DAZN мен Unrealistic Ideas және Film 45 әріптестігімен түсіріліп жатыр.

Еске сала кетейік, Головкиннің алдағы жекпе-жегін 8 маусымда Нью-Йорктегі Madison Square Garden аренасында өтеді. Оның қарсыласы – канадалық Стив Роллс (19-0, 10 КО). Боксшылар 164 фунтқа дейінгі аралықтағы салмақта өнер көрсетеді