Өскеменде мотоциклдің құлағында ойнайтын шабандоздар сайысқа түседі, деп хабарлайды Алтайньюс тілшісі.

Турнирге 5 жастан 60 жасқа дейінгі кез-келген шабандоздар қатыса алады. Бастысы темір тұлпары техникалық талаптарға сай келуі керек. Кемінде 50 мотоциклист жарыс жолына шығады деп топшылап отыр сайысты ұйымдастырушылар.

Мотокросс негізінен сегіз түрлі деңгей бойынша өткізіледі. Әрбір топтың келу уақытын төрешілер анықтайды. Жарыс басталар алдында қосымша жариялайды мамандар.

Сондай-ақ жанкүйерлер үшін ойын-сауықтық бағдарлама ойластырылып қойған көрінеді.

Турнир 1 маусым күні сағат 11.00-де ЖМК мотокросс трассасы аумағында (ТМК ауданы) өтеді. Айта кетейік, кіру тегін.