Бүгін Семейде жедел жәрдем көлігі жол апатына ұшырады. Куәгерлер апаттың салдары түсірілген кадрларды әлеуметтік желіде жариялады.

Видеода екі автомобиль де жолдан шығып кеткені көрініп тұр. Қызыл KIA ағашқа кіріп кеткен, ал жедел жәрдем жолдың сыртында. Семей полиция басқармасы жол апатының мән-жайын айтты.

"2022 жылдың 30 мамырында сағат шамамен 12.30-да KIA автокөлігінің 86 жастағы жүргізуші Алтай көшесінен Морозов көшесіндегі басты жолға шығып бара жатып, бұрылу кезінде жедел жәрдем көлігіне жол бермей, соқтығысып қалды", - деп хабарлады Семей ПБ баспасөз қызметіндегілер.