Шығыс Қазақстан облысындағы ауыл шаруашылығы құрылымдарының бірінен төрт тоннаға жуық арпа ұрланды, деп хабарлайды Алтайньюс тілшісі.

Ұрлық жасады деген күдіктілер ұсталды. Қазір қылмыстық кодекстің 188-бабы бойынша сотқа дейінгі тергеу жүргізіліп жатыр.

– Күдіктілер анықталып, ұсталды. Олар – 30 және 43 жастағы Ұлан ауданының тұрғындары. Айыптарын мойындады. Шығын – 640 мың теңге, – деп мәлімдеді облыстық полиция департаменті.