Балабақша ақысы қай өңірлерде қымбат екені анықталды, деп хабарлайды Алтайньюс тілшісі.

Energyprom.kz сарапшылары еліміздегі балабақша ақысына сараптама жасап көрді.  Ең көп ақша төлеген өңірлер де анықталды.

Бірінші орында – Бас қала.  Астана тұрғындары (бір баруы үшін) 1940 теңге төлеген. Одан кейін Алматы қаласы, 1686 теңге. Үштікті Ақтау түгендеп тұр. Бұл қалада балабақша ақысы – 1042 теңге.

Ал Өскемен бұл тізімде 12 орында. Шығыстың бас шаһарында балабақша құны – 719 теңге.

Сарапшылар Қазақстандағы мектепке дейінгі мекемелердегі қызмет көрсету бағасы бір жылда 0,5 пайызға төмендегенін айтады.