Кинодағыдай. Өскемендік полицей сегізінші қабаттан секірмек болған жігітті тоқтатты
![](/kz/uploads/posts/iblock/90d/90dd725ba29976e068a0ba06010ab096.jpg)
Өскеменде полиция қызметкері сегізінші қабаттан секірмек болған жігітті райынан қайтарып, аман алып қалды, деп хабарлайды Алтайньюс тілшісі.
Оқиға 9 наурыз күні болды. Жергілікті тұрғын «102»-ге қоңырау шалып, белгісіз ер азаматтың көпқабатты үйдің терезесінен секірмек болып тұрғанын хабарлаған.
Аталған мекен-жайға жылдам жеткен тергеуші Сағыныш Сабиқанова мен жедел уәкіл Қанат Дәуітханов пәтерді дереу тауып кірген. Айналадағылардың бірде-бірін тыңдағысы келмеген 24 жастағы жігіт, тек тергеуші Сағынышпен ғана тіл қатысқан. Екеуара бір сағат әңгімеден кейін полицей-ханым тұрғынды райынан қайтара алды.
Бұдан кейін психологиялық және медициналық көмек те келіп жетті.
Қазір оқиғаның жай-жапсары анықталып жатыр. Мына видеоны қараңыз