Тік Тоk қосымшасына қазақ тілі қосылды.

Енді жастар арасында кеңінен таралған қосымшадағы интерфейс тілін кез келген уақытта ауыстыруға болады, деп хабарлайды Altaynews тілшісі.

Ол үшін қосымшаның төменгі оң жақ бөлігіндегі «кескінді»(профиль) басыңыз. Сол кезде сіздің жеке мәліметтеріңіз сақталатын парақша ашылады. Баптауға өту үшін дәл осы парақшаның оң жақ жоғары тұсындағы үш сызықпен бейнеленген белгіні басуыңыз қажет. Содан кейін «параметрлер мен құпиялылық» бөліміне өтіп, одан «тіл» деген сілтемеге кіресіз. Дәл осы жерден қазақ тілін таңдауыңызға болады.