Шығыс Қазақстан облысында температураның күрт өзгеруі, жылымық және қатты желге байланысты қар көшкіні қаупі күшейді,- деп хабарлайды Altainews.kz тілшісі.

Осыған байланысты ТЖД және "Қазселденқорғау" қызметкерлері құтқарушылармен бірлесіп, "Согорное-Барлық" автожолында 4 рет қар түсіру жұмыстарын жүргізді. Нәтижесінде 9430 текше метр қар түсіріліп, жол тазартылып, көлік қозғалысы қалпына келтірілді.

ШҚО аумағында барлығы 325 қар көшкіні қаупі бар аймақ тіркелген. Қар көшкіні қаупі жоғары кезең басталғалы бері 41 профилактикалық түсіру жұмысы жүргізіліп, жалпы 41 410 текше метр қар түсірілді.