Демалыс күндері таулы аймақтарға бармаңыз - ШҚО
ШҚО-ның таулы аймақтарында 27-30 қаңтар аралығында қар көшкіні қаупі бар.
ШҚО ТЖД мамандары тұрғындарға таулы аймақтарға барудан бас тарту керектігін ескертеді, деп хабарлайды Altyanews тілшісі.
- Метеорологиялық жағдайдың өзгеруіне, жиі қар жаууына және желдің күшеюіне байланысты облыстың таулы жерлерінде қар көшкіні түсуі ықтимал. Осы ретте, тұрғындарға барынша абай болуды, ешбір жағдайда тауға шықпау қажеттігін ескертеміз, - деді ШҚО ТЖД баспасөз қызметі.
Егер қандай да бір төтенше жағдайға тап болсаңыздар бірден «112» нөміріне қоңырау шалыңыз.
