Шығыс Қазақстан облысында авиабилет бағасы бір жылда елу пайызға өсті, деп хабарлайды Altaynews тілшісі.

Finprom агенттігінің ақпаратына сүйенсек, республика бойынша авиабилеттер 21 пайызға қымбаттаған. Ең жоғары өсім Абай (94,2 пайыз), Қостанай (64,4 пайыз), Батыс Қазақстан (47,9 пайыз), Шығыс Қазақстан облыстарында (47,8 пайыз) және Алматыда (42,8 пайыз) тіркелді.

Ең арзан авиабилеттер – Ақмола облысында. Жамбыл облысында бір жыл ішінде баға өзгермеген. Ал Павлодар, Алматы, Қарағанды және Ұлытау өңірлерінде, керісінше, баға төмендеген.