ШҚО: Әскери тәртіпті нығайтуға бағытталған акциялар ұйымдастырылуда
Әскери ұжымдарда әскери тәртіп пен құқықтық тәртіпті нығайтуға бағытталған «Әкімшілік құқық бұзушылықтарға нөлдік төзімділік», «Мас жүргізуші – қылмыскер» акциялары ұйымдастырылды.
Акция барысында жас сарбаздар спирттік ішімдіктерді тұтынудың зиянды салдарымен, алкогольдік немесе есірткілік масаң күйде көлік құралдарын басқару жолымен, ЖКО орындарымен байланысты әкімшілік құқық бұзушылықтарға жол берген әскери қызметшілер, әкімшілік соттардың әскери қызметшілерді әкімшілік жауаптылыққа тарту туралы қаулылармен танысты, деп хабарлайды Altaynews тілшісі.
Айта кету керек, аталған шаралар «Өмірді сақта» бағдарламасын және ҚР құқық бұзушылықтың алдын алудың 2020-2024 жылдарға арналған кешенді жоспарын іске асыру мақсатында ұйымдастырылған.
Өскемен гарнизоны Әскери полиция бөлімінің әкімшілік тәжірибе бөлімшесінің бастығы әділет аға лейтенанты Ғани Нұрғаламбаев құқық қорғау органдарын тарта отырып, әскери бөлімнің қолбасшылығымен өзара іс-қимыл жасай отырып, дөңгелек үстелдер мен конференциялар түрінде «Әкімшілік құқық бұзушылықтарға нөлдік төзімділік», «Мас жүргізуші – қылмыскер» акцияларын ұйымдастырды, дейді іс-шара ұйымдастырушылары.
Оқи отырыңыз
