ҚДКБҚ теңгелік депозиттердің барлық түрі бойынша 2023 жылдың тамызына арналған шекті мөлшерлемелерді өзгеріссіз қалдырды, деп хабарлайды Altaynews Қазақпаратқа сілтеме жасап.

«Екінші деңгейдегі банктер өздерінің депозиттік өнімдеріне қатысты сыйақы мөлшерлемелерінің көлемі қандай болатыны туралы шешімді өз бетімен қабылдайды. Осыған байланысты банктер өтімділікке қатысты қажеттіліктеріне қарай, сондай-ақ қаржылық және экономикалық ахуалдарға берілетін ішкі бағаларды ескере отырып, өздерінің депозиттік өнімдері бойынша басқа сыйақы мөлшерлемелерін белгілеуге құқылы. Ол ҚДКБҚ бекіткен шекті сыйақы мөлшерлемелерінен айтарлықтай ерекше болуы мүмкін», – делінген Қазақстан депозиттерге кепілдік беру қоры хабарламасында.