Өзен ортасындағы аралда қалып қалған 9 адам құтқарылды
10 желтоқсан күні кешке Алтай ауданында, Быково ауылынан 7 шақырым жерде марал шаруашылығының 9 қызметкері Бұқтырма өзені арқылы "Урал" жүк көлігімен үйге бет алған деп хабарлайды Altaynews.kz тілшісі.
– Алайда, өзенде пайда болған бұжыр мұз оларға соқпақ жолдан өтуге мүмкіндік бермеді. Саяхатшылар өзеннің ортасындағы аралда қалып койып, құтқарушыларды көмекке шақырды. ШҚО ТЖД қызметкерлері адамдар "қамалған" орынға келіп, жүзу құралдарының көмегімен 9 ер адамды жағаға шығарып, оларды жылы "Кунг" көлігіне мінгізді. Содан соң олар ең жақын жердегі Быково ауылындағы жылыту пунктіне жеткізілді. Медициналық көмекке мұқтаж болмағандықтан олар өздері үйлеріне қайтты. Түнгі құтқару операциясына жеке құрамның 12 адамы, 3 техника және 2 жүзу құралы қатысты, – деп хабарлайды ШҚО ТЖД баспасөз қызметі.
ШҚО ТЖД құтқарушылары қауіпсіздік ережелерін сақтауды, қолайсыз ауа райында және тәуліктің қараңғы уақытында жетуі қиын жерге бармауды еске салады.
Қала сыртына барарда жолдардың жай-күйі туралы "Дәрмен" мобильді қосымшасынан білуге болады.
Көлікпен жолға шыққанда әрқашан өзіңізбен алғашқы көмек жинағы, кабель, зарядталған телефон болуға тиіс, жақын адамдарыңызға өзіңіздің орналасқан жеріңізді және жоспарланған қайту уақытыңызды хабарлау керек.
Төтенше жағдайда 112 нөмірі бойынша хабарласу қажет.
Оқи отырыңыз
