Бір жылдан бері үлкен жарыстарға шықпаған Чиншанлоға тағы да допинг қолданды деген айып тағылды.

БАҚ деректеріне сүйенсек жарыстан тыс алынған міндетті допинг-бақылауда, оның сынамасынан «Метандиенон» анаболикалық стероид белгілері байқалған. Егер, спортшының допинг қолданғаны расталып жатса, ол тағы сегіз жылға спорттан шеттетілуі мүмкін,- деп хабарлайды Altaynews.kz тілшісі. 

Естеріңізге сала кетейік, Чиншанло 2012 жылы Лондон Олимпиадасында чемпион атанған болатын. Оның Олимпиада ойындарында допинг қолданғаны дәлелденіп, алтын медалінен айырылып қалды. Сондай-ақ 2016-2018 жылдары барлық санаттағы жарысқа қатысу құқығынан айырылды. 

Алайда, спорттан шеттету мерзімі аяқталғаннан кейін спортшы Токио Олимпиадасына қатысып, 55 келі салмақта ел қоржынына қола медаль салған болатын.