Ұлттық нейрохирургия орталығының дәрігерлері Қостанай облысынан келген әйелді мүгедек болып қалудан құтқарды. Әйелдің басынан маңдай-төбе бөлігін қысып, ми қыртысына жақын орналасқан алма көлеміндей ісік табылды.

Бұл туралы Altaynews.kz сайты Kaziform-ға сілтеме жасап хабарлайды.

Ұлттық нейрохирургия орталығының баспасөз қызметінің мәліметтеріне қарағанда, науқас Ұлттық нейрохирургия орталығынан консультациялық көмек сұраған. Әйел сол жақ аяқтарының әлсіздігіне және қозғалыс белсенділігінің төмендеуіне, сондай-ақ конвульсиялық шабуылдарға шағымданды.

ҰНО мамандары науқаста неврологиялық бұзылуларды анықтады, содан кейін олар мидың МРТ диагностикасын жүргізді. МРТ диаметрі 10*9,5*10 см. болатын мидың оң жарты шарының маңдай-төбе бөлігінде алып ісік өсіндісінің бар екендігін көрсетті. Ісіктің ұлғаюы мүгедектікке әкелуі мүмкін еді.

Науқастың клиникалық жағдайы ҰНО дәрігерлерінің консилиумында талқыланды. Аурудың дамуын ескере отырып, Микрохирургиялық алып конвекситальды менингиоманы алып тастау операциясын жасау туралы шешім қабылданды.

Науқасқа ми патологияларының нейрохирургиясы бөлімшесінің дәрігерлері операция жасады. Нейрохирург дәрігер Мұратбек Тілеубергенов атап өткендей, операцияның күрделілігіне ісіктің үлкен мөлшері әсер етті.

Операция сәтті өтті, дәрігерлер ісікті толығымен алып тастады және функционалды аймақтарды сақтап, неврологиялық асқынулар мен мүгедектікке жол бермеді. Науқас атап өткендей, операциядан кейінгі жағдай жақсарды, неврология қалпына келді – аяқтың төменгі жағында күш пайда болды, жалпы жағдайы жақсарды.

Операцияны МӘМС бойынша Ұлттық орталықтың үздік мамандар командасы жүргізді, атап айтқанда: Ми патологиялары нейрохирургиясы бөлімшесінің нейрохирург дәрігері Мұратбек Тілеубергенов, Арман Макаров, анестезиолог-реаниматолог дәрігер Раушан Токшекенова, анестезист Жанар Аринова, Операциялық мейіргер Әсем Қадырханова.