Алдағы үш күні республика аумағында тағы аяз түседі.

Қазгидромет синоптиктерінің болжамы бойынша, 28-30 желтоқсан аралығында барлық өңірлерде ауа райы тұрақсыз болады, деп хабарлайды Altaynews.kz тілшісі.

Республиканың басым бөлігінде жаңбыр мен қар жауады, бұрқасын соғып, көктайғақ болады. Желдің екпіні 15-28 м/с дейін жетеді. 

29-30 желтоқсанда солтүстік және оңтүстік облыстарда желдің екпіні 30 м/с дейін күшейеді. 

30 желтоқсан күні түнгі уақытта республиканың солтүстік-батысында, солтүстігінде және орталығында 7-15 градус аяз түседі. Оңтүстік пен оңтүстік-шығыста аяз 3-13 градусқа дейін біраз төмендейді.