Өскемен гарнизонына қарасты 27943 әскери бөлімі балаларға қуаныш сыйлады
Жаңа жыл қарсаңында Өскемен гарнизонына қарасты 27943 әскери бөлімінің командирі балаларға шырша мерекесін ұйымдастырды.
Игі дәстүрге айналған биылғы шараға әскери қызметшілердің 6-14 жас аралығындағы 70-ке жуық бала қатысты, - деп хабарлайды Altaynews.kz тілшісі.
«27943 әскери бөлімінің әскери қызметшілерінің балаларына Жаңа жыл кешін ұйымдастырдық. Жаңа жыл, ең алдымен, балалар мен бүлдіршіндерге қуаныш сыйлайтын мереке. Барша қазақстандық балаларды келе жатқан Жаңа жыл мерекесімен құттықтаймын.Жас ұрпақ зерделі де зерек, білімді де білікті болсын.»-деді бөлім командирі полковник Азамат Абикенов.
Биыл «Қош келдің, Жаңа жыл!» атты шарада балалар жаңа жылдық ғажайыптар әлеміне саяхат жасап, әйгілі мультфильмдер мен ертегілердің кейіпкерлерімен кездесті. Шырша мерекесіне сиқыршылар, Алтын адам, Батыр, Алладин сияқты ертегілер әлемінің басқа да кейіпкерлері жиналды.
Берекені балалар асыға күткенін Аяз ата мен Ақшақарға соғылған қошеметтен көруге болады. Жиналған жұрт Ақшақармен бірге ән салып, би биледі. Ал Аяз ата көпшілікке сыйлықтарын таратып, базарлықтар үлестірді.
Оқи отырыңыз
