ШҚО-да жол апатында төрт адам қаза болды
Фото: ШҚО ПД
Оқиға кеше сағат 22:20 шамасында Өскемен қаласынан 8 шақырым жердегі Уварово ауылының тұсында болған.
Өскемен-Шемонаиха тас жолының бойында Toyota Corona Premio және Toyota Vista көлігі соқтығысып, салдарынан төрт адам оқиға орнында көз жұмды. Оның ішінде кәмелетке толмаған екі бала бар, деп хабарлайды Altaynews.kz тілшісі.
— Бұл факті бойынша ҚР Қылмыстық кодексінің 345-бабы (екі немесе одан да көп адамның өліміне әкеп соққан жол қозғалысы ережелерін бұзу) бойынша сотқа дейінгі тергеу басталды. Оқиғаның мән-жайы анықталып жатыр, - деп хабарлады ШҚО ІІД.
Оқи отырыңыз
