Елімізде зиянды экологияның зардабын тартып жүрген жандарға көңіл бөлу – басты мақсаттардың бірі. Осындай мақсатта жақында Зайсан ауданында ерекше балаларға арналған «Данышпан» балаларды дамыту орталығы ашылды.

Орталықта АВА-терапевт, дефектолог, логопед, логомассаж, АФК сияқты мамандар балалармен арнайы жұмыс істейді, деп хабарлайды Altaynews.kz тілшісі.

Аталған мамандар жұмысының ерекше балалар үшін маңызы зор. Мысалы, ава терапиясы аутизмді түзетуге, балада аспергер синдромы, даму кемістігі, бас миының жарақаты бар болса немесе агрессияның болуы және өзгелерді тыңдамау сияқты проблемалық мінез-құлық болған жағдайда қолданылады.

Орталыққа балалар кезектесіп келіп отырады. Балалармен арнайы мамандар жұмыс жасайды. Мұнда оларға қажетті барлық жағдай жасалған. Орталық балалардың білім алуына, ақыл-ойын дамытуына және шығармашылықпен айналысуына қолайлы етіп жабдықталған.