Президент Қасым-Жомарт Тоқаев тұғырдан шаңғымен секіру спорты бойынша қысқы Олимпиада жеңімпазы атанған Илья Мизерныхты құттықтады, деп хабарлайды Аltaynews.kz тілшісі.

Естеріңізде болса, жас спортшы Оңтүстік Кореяда өтіп жатқан жасөспірімдер арасындағы Олимпиадада ел тарихындағы тұңғыш алтынға қол жеткізді.

Мемлекет басшысы чемпионның әлі де талай жеңіс тұғырынан көрініп, биіктерді бағындыра беруіне тілектестік білдірді. Сондай-ақ Канвондодағы додаға қатысып жатқан отандық споршыларға табыс тіледі.

Айта кетейік, биылғы жастар Олимпиадасы тура екі аптаға созылып, 1 ақпанда мәресіне жетеді. Қысқы ойындарға 78 елден келген 1 900-ге жуық спортшы қатысады. Канвондо ареналарында Қазақстан намысын спорттың бес түрі бойынша (тоғыз дисциплина) 41 спортшы қорғайды.