Көпкүндік веложарыс қала сыртындағы трассаларда өтеді. Сондықтан полиция жүргізушілерді жол ережелерін қатаң сақтауға шақырады, деп хабарлайды Алтайньюс тілшісі.

«Қазақстан оқушысы» деп аталатын бұл спорт бәсекесі 52-ші рет өткізіліп жатыр.

«Бұл жарыс Өскемен-Самар, Өскемен-Алтай, Өскемен-Таулы Үлбі-Северное автожолдарында өтеді. Түсіністік танытып, жол қозғалысы ережелерін қатаң сақтауларыңызды сұраймыз. Өйткені балалар – біздің болашағымыз!» – деп мәлімдеді облыстық полиция департаменті.

Велосипед жарысы 8 тамызға дейін жалғасады.