«Маска тағуды ұмытпаңыз!». Глубокое тұрғындарының пошта жәшіктеріне осындай хабарламалар келіп түсіп жатыр.

Аудандағы жастар ресурстық орталығының мүшелері коронавирустың екінші толқынына байланысты осындай акция бастады.

– Әлеуметтік желіні пайдаланбайтын егде жастағы тұрғындарға жағдайды түсіндіру жұмысына кірістік. Біз қалдырған хатта медициналық маска тағу, адам көп жерлерде аралық сақтау және мүмкіндігінше үй ішінде қалудың тиімділігі ескертілген, – дейді орталық директоры Гүлмира Ордаханова.

Аудан жастары «індет қайта өршіп келе жатыр, өзіңізді және жақындарыңызды сақтандырыңыз» дейді.