Жаңа туған нәрестелердің денсаулығын қорғау мақсатында перзентханаларда міндетті түрде туберкулез бен «В» гепатитіне қарсы вакциналар егіледі. Бұл – инфекциялық аурулардың алдын алуда аса маңызды қадам. Дегенмен, кейбір ата-аналар осы екпелерден бас тартуда. Бұл мәселе жыл сайын өсіп келеді және қоғам мен медицина саласының назарын талап етеді, деп хабарлайды Altainews.kz тілшісі.

2023 жылы 112 ата-ана вакцинадан бас тартса, 2024 жылы бұл көрсеткіш 133-ке жетті. Оның ішінде Өскеменде 59 (44,4 пайыз), Глубокое ауданында 36(27,1 пайыз), Алтай ауданында 10 (7,5 пайыз) жағдай тіркелді.  

Бас тарту себептерін талдасақ, 113 факт (84,9%) – вакцинаға сенімсіздік, 3 факт (2,3%) – діни наным-сенімге байланысты себептер, 3 факт – негативті ақпараттың ықпалы.  

Жаңа туған балаларға вакцина салу – олардың инфекциялық аурулардан қорғануының басты кепілі. Сондықтан дәрігерлер мен денсаулық сақтау мамандары ата-аналармен тығыз байланыста жұмыс істеп, екпенің маңыздылығын түсіндіруді жалғастыруда.

Вакцинациядан бас тартудың алдын алу үшін халық арасында ақпараттық жұмыстарды күшейту қажет. Бұл шаралар болашақ ұрпақтың денсаулығын нығайтуға ықпал ететіні сөзсіз.

 Ержан Әбіш