KZ
Өскемен
-6°
облачно с прояснениями жел 7 м/с, Ю
501.31 520.11 5.33

"Еш өкінбеймін". ШҚО полицейі атышулы видеоға қатысты өз пікірін айтты

12.10.2020, 15:23 122

Шығыс Қазақстан облысында басшылықтан қысым көріп жатқаны туралы видеоүндеу жазған полицей атышулы видеоға қатысты түсінік берді.

"Мен еш өкінбеймін. Заң аясында әрекет еттім. Айтатынымның барлығын айттым, алып-қосарым жоқ", - деді Еркебұлан Мейрембаев.

Оның айтуынша, қазіргі уақытта бөлімде тексеріс жүріп жатыр, нәтижесі әлі шықпады.

"Маған қысым көрсетіліп жатқан жоқ. Бәрі жақсы, мен жұмыстамын. Соңғы күндері көбі маған қоңырау шалып жатыр, біреуі қолдаса, біреуі сөгіп жатыр. Телефонды қуаттап үлгермей жатырмын. Бірақ басшылықтан менімен ешкім байланысқа шықпады, ешкім қысым көрсеткен жоқ, - деді Еркебұлан Мейрембаев.

Еске салайық, мұның алдында  Шығыс Қазақстан облысы Жарма ауданының полицейі видеоүндеу жариялап, бастығы мас күйінде көлік жүргізгені үшін 15 тәулікке қамауға алынған адамды заңсыз босатуға мәжбүрлегенін айтқан болатын.

Содан басшысының айтқанын орындаудан бас тартқан полицей видеоүндеу жазған болатын.

 

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу