Аягөздегі аудандық аурухана қағазбастылықтан арылады
Келесі жылдан бастап Аягөздегі аудандық орталық аурухананың қызметкерлері қағазбастылықтан арылады. Бұл «Цифрлық Қазақстан» бағдарламасыаясында жүзеге асырылмақ, деп хабарлайды Алтайньюс тілшісі.
Бүгінде аталмыш мекемедегі жұмыстың 80 пайызы цифрландыруға көшіпті. Ал 2020 жылдан бастап барлық аудан тұрғынына электронды денсаулық паспорты жасалынады деп күтілуде. Бұдан бөлек аудандағы 18 дәрігерлік амбулотория мен екі ауылдық ауруханаға интернет желісі тартылмақ. Осылайша, аудандағы денсаулық сақтау мекемелері 100 пайыз интернетпен қамтамасыз етіледі.
Айта кетейік, келесі жылы Аягөзде үшінші деңгейлі периниталды орталық ашылады. Онда білікті мамандар жұмыс істейтін болады. Қазір аталмыш орталыққа қажетті медициналық аппараттар сатып алынуда.