Облыста жүз елді мекенді абаттандыру бойынша бағдарлама қолға алынды, деп хабарлайды Алтайньюс тілшісі.

Абаттандыруға қажетті қаражат келер жылы аймақтық бюджетке кіргізіледі. Осыған орай облыс әкімі Даниал Ахметов аудан басшыларына сәйкес тапсырмалар беріп отыр.

-Барлық жүз ауыл бойынша абаттандыру, көгалдандыру, асфальттау бағдарламасын әзірлеу қажет. Әр елді мекенге он миллион теңге мөлшерінде қаржы жұмсалады, - деді аймақ басшысы облыстық әкімдікте өткен жиында.