Қатты дауыл  Алакөл жағасындағы арбатты қиратып кетті деп хабарлайды, Алтайньюс тілшісі.

Әлеуметтік желі қолданушылары таратқан видеодан көл жағасына жақын орналасқан және  жақында ғана тұрғызылған туристік-мәдени нысандарды бүлінгенін көруге болады. Видеоны түсіріп тұрған адам судың арбаттағы нысандарға 4-5 метр ғана қалғанын айтып тұр.

Аталған мәселе бойынша Үржар ауданы әкімінің орынбасары Дидар Хамитовқа қоңырау шалып, оқиғаның мән-жайын сұрап білдік.

-Қазір көл жағасында аудандағы жауапты адамдар жүр.  Кеше қатты дауыл болған. Нақты шығындар әзірге белгісіз. Толық ақпаратты соңыра береміз,- деді  Дидар Дәулетханұлы.

Еске сала кетейік, соңғы жылдары Алакөлде ауқымды қалпына келтіру жұмыстары жүргізілді. Көркейту шаралары биыл да жалғасты, нәтижесінде жағалау 400 метрге ұлғайтылған болатын. Көл жағасын абаттандыруға Алакөл жағалауын абат­тан­дыруға барлығы 4,5 миллиард тең­ге бөлінген.