ШҚО-ның төрт ауылына жылдам интернет тартылып жатыр
«Қазақтелеком» АҚ «Цифрлы Қазақстан» бағдарламасының аясында елді мекендергі талшықты-оптикалық байланыс желілерін тарту жұмысын бастап кетті. Аталмыш жұмыс бірінші болып Шығыс Қазақстанның 4 бірдей ауылында жүріп жатыр, деп хабарлайды Алтайньюс тілшісі.
Қазіргі уақытта ШҚО-дағы Семей қаласы әкімшілігіне қарасты Озерки ауылында желі тарту жұмысы аяқталуға жақын. Яғни ауыл тұрғындар жауық арада жоғары жылдамдықты интернетке қол жеткізе алады.
– Талшықты-оптикалық байланыс желілер орнатсақ, аталмыш елді мекендердің 4,5 мың тұрғыны жоғары жылдамдықты интернетке қосыла алады – дейді Шығыс жергілікті байланыс техникалық торабының директоры Ғазизнұр Раимханов.