Енді әкімшілік айыппұлды egov.kz порталында тексеруге болады, деп хабарлайды Алтайньюс тілшісі.

Мұндай қызметтің іске қосылғаны туралы "Ұлттық ақпараттық технологиялар" АҚ мәлім етті.

Портал қолданушылары ЭЦҚ-ны қолдану арқылы онлайн режимде Әкімшілік құқықбұзушылық туралы анықтама ала алады. Анықтама 15 минут ішінде өңделеді, ал қосымша тексеру қажет болған жағдайда 3 жұмыс күніне, шетелге шыққан жағдайда 5 жұмыс күніне созылады.

Жаңа қызмет түрі нақты уақыттағы төленбей тұрған құқықбұзушылықтармен қатар төлеу кезеңі бір жылға жетпейтін айыппұлдарда да көрсетуі мүмкін.