Қазақстанда белсенді түрде қолданылып отырған Kundelik ақпараттық жүйесінің сайтына хакерлер шабуыл жасады, деп хабарлайды Алтайньюс тілшісі.

Мұндай әрекет DDOS-шабуыл деп аталады.

Осыған орай еліміздің басты мектеп порталын қолдану кезінде жылдамдықтың төмендеуі байқалуы мүмкін екені ескертілуде.

Айта кетсек, Kundelik жүйесі  Ұлттық ақпараттандыру операторы "Ұлттық ақпараттық технологиялар " АҚ серверлерінде орналасқан және  "электронды үкімет" сервисінің деңгейінде қорғалған. Бұл қолданушылардың мәліметтерінің қорғалуын қамтамасыз етеді.

Қазір  "Ұлттық ақпараттық технологиялар " АҚ мамандары портал мен басқа да ақпараттық жүйелерді қорғау бойынша шаралар жүргізіп жатыр.