Қаланы жүйелі түрде, ал аулаларды күн сайын тазалау керек, – дейді Өскемен әкімі Жақсылық Омар. Қала басшысының айтуынша, өткізіліп жатқан сенбіліктер – тазалық мәселесін түбегейлі шеше алмайды, деп хабарлайды Алтайньюс тілшісі.

– Ол үшін әр ұйым өз міндетін тыңғылықты атқаруы керек. Коммуналды кәсіпорындар бекітілген көшелер мен жалпықалаға ортақ аумақты, ал ПИК өз аулаларын тазалуы тиіс, – деді Ж.Омар.

Қала әкімі коқыстарды уақытлы тиеп әкетіп тұру үшін, ТҮКШ-ке әрбір жергілікті өзін-өзі басқару комитетіне трактор және жүк тиегіш бекітуді тапсырды. Ал тұрғын үй инспекциясына ПИК-тің аулаларды тазалауын қадағалауды міндеттеді.

Сондай-ақ ұсынылған аумақты таза ұстамайтын коммерциялық нысандар да істі қиындатып отыр. Енді бұл мәселені санитарлық полиция қатаң бақылауға алатын болды. Тәртіп бұзушылар бұдан былай айыпқа тартылады.