Елімізде былтыр 16,3 мың гектар жер өртенсе, 2018 жылы 145 мың гектар алқап өртенген. Орман өртінің 80 пайызына адамдар кінәлі, деп хабарлайды Алтайньюс тілшісі.

Өрттен келген материалдық шығын – 199 млн теңгені құрап отыр.

– Әсіресе Шығыс Қазақстан, содан кейін Жамбыл және Қостанай облыстарындағы орман өрті салдарынан, өртенген аумақ көрсеткіші артып отыр. Өртті азайту мақсатында ауылшаруашылығы өнімдерін өндірушілермен, орманды алқаптарда тұратын халықпен 6 мыңға жуық жиналыс өткізілді, 55 мың адамды қамтитын дөңгелек үстелдер, жаттығулар жүргізілді, – деп мәлімдеді Ішкі істер министрінің орынбасары Юрий Ильин.

Ильиннің айтуынша, мобильді топтар 2 мыңға жуық рейд жүргізіп, 177 адамға 2 млн теңгеден астам айыппұл салған.