13 құрылыс нысаны қатаң бақылауға алынды - ШҚО
depositphotos.com
Шығыс Қазақстанда Сыбайлас жемқорлыққа қарсы іс-қимыл агенттігінің тапсырмасы бойынша аяқталу мерзімі айтарлықтай кешіктірілген проблемалық құрылыс нысандарына мониторинг жүргізілуде. Бүгінгі таңда аяқталмаған құрылыстардың тізімінде жалпы құны 172 млрд теңгені құрайтын 13 нысан бар, деп хабарлайды Altaynews.kz тілшісі.
Бұл туралы Өңірлік коммуникациялар қызметі алаңында өткен брифингте ШҚО бойынша Сыбайлас жемқорлыққа қарсы іс-қимыл департаментінің басшысы Денис Шакенов мәлімдеді.
Осы нысандардың ішінде Өскемен қаласындағы Мамандандырылған халыққа қызмет көрсету орталығының (Арнайы халыққа қызмет көрсету орталығы) ғимараты аяқталып, пайдалануға берілді. Тағы 12 учаскеде құрылыс жұмыстары жалғасуда. Бұқтырма су қоймасы арқылы өтетін көпір құрылысы да аяқталуға жақын.