Өткен сенбіде Риддер қаласында гараж өртенді. Адам шығыны бар, деп хабарлайды Алтайньюс тілшісі.

ШҚО ТЖД баспасөз қызметінің ақпараты бойынша, өрт Бухмейер көшесіндегі гараж кооперативінде орын алыпты.

Құтқарушылар келіп жеткенде жалын гараждың ішкі бөлігін толық жайлап, «Газель» автокөлігі мен жеңіл машина жанып кеткен екен. Сондай-ақ, гараждан 27 жастағы ер адамның күйік шалған денесі табылып отыр.

Өрттің жалпы аумағы шамамен 200 шаршы метрді құрайды.