Ойыншықтарды тексеру барысында облысқа Ресейден әкелінген бірнеше ЛОЛ атты қуыршақтан шикілік шықты. Олардың құрамында фенол және формальдегид концентраттары шамадан тыс көп екен. Тіпті кейбір қуыршақтардың сертификаты да дұрыс болмаған, деп хабарлайды Алтайньюс тілшісі.

Бұл ойыншықтардың негізгі отаны – Қытай. Шығарушы компания YiliHansonTradeLogisticsCo. деп аталады.

Аталған қуыршақтарды біздің ел ғана емес, шет елдер де қатаң тексеріп, сатылымнан алып тастап жатқан көрінеді.

Мамандар ойыншық сатып аларда аса сақ болуды ескертеді. «Міндетті түрде оның қауіпсіздігін растайтын қағазының дұрыстығын тексеріңіз. Материалын да жіті қарап шығыңыз» дейді олар.