Хабиб Нурмагомедов пен Конор МакГрегор арасындағы жекпе-жекті Қазақстан ұлттық арнасынан тамашалай аласыздар, деп хабарлайды Алтайньюс тілшісі.

Бұл туралы «Қазақстан» телерадиокорпарациясының басшысы Ерлан Қариннің өзі мәлімдеді.

Оның айтуынша, ұлттық арна қыркүйек-желтоқсан аралығында   UFC-дің 16 турнирін көрсетеді.

– Біз аталмыш ұйыммен келісім шарт жасастық. Нәтижесінде көптеген қызықты жекпе-жектерді көрсету құқығына ие болып отырмыз. Көрсетілім 2018 жылы ғана емес, келесі жылы да жалғасын табады, – деді арна басшысы.

Алғашқы трансляция 8 қыркүйекте АҚШ-та өтетін UFC 228 турнирінен жасалады. Ондағы жекпе-жектерді «Казахстан» және «Qazsport» арналарына қатар тамашалай алады ел көрермендері.

– Ең бастысы көрермендер асыға күтіп жүрген 6 қазанда Лас-Вегаста өтетін Хабиб-Макгрегор жекпе-жегін ұсынамыз, – деп түйді Қарин мырза.