Өскемен қаласындағы көпқабатты тұрғын үйлердің бірінің екінші қабатындағы пәтерде өрт шықты.

Төтенше жағдайлар департаменті қызметкерлері баспалдақ арқылы 5 адамды, оның ішінде бір баланы арнайы құтқару қалпақтары арқылы қауіпсіз жерге эвакуациялады. Тұрғындар түтін жайылған аймақтан таза ауаға шығарылды.

Тәжірибелі өрт сөндірушілер өрттің таралуына жол бермей, оны 35 шаршы метр аумақта дер кезінде сөндірді. Зардап шеккендер жоқ.

Төтенше жағдай туындаған кезде 112 нөміріне хабарласыңыз!