ШҚО тұрғындары қант үшін 30 миллион теңге ақшасынан қағылған
spb.kp.ru
Өскеменде тәртіп сақшылары алаяқтық жасады деген күдікпен 31 жастағы азаматшаны ұстады, деп хабарлайды Altainews.kz тілшісі.
Полицияға облыстың 19 тұрғыны арызданған. Олар күдікті әйелдің өздеріне қант жеткізіп беруге уәде беріп, ақшаны алғаннан кейін жоғалып кеткенін айтқан. Жалпы шығын шамамен 30 миллион теңгені құрайды.
ШҚО Полиция департаменті баспасөз қызметінің хабарлауынша, алаяқтық фактілері бойынша қылмыстық іс қозғалып, күдіктінің бұрын ашылмаған қылмыстарға қатысы бар-жоғы анықталуда. Сот күдіктіге үй қамағы түріндегі процессуалдық мәжбүрлеу шарасын қолданды.
Полиция департаменті тұрғындар осындай қылмыстық әрекеттерден зардап шеккен жағдайда дереу «102» арнасына хабарласуды сұрайды.
Жанаргүл Мұқатай
Оқи отырыңыз
Ломбардтың қызметкері 3 миллион теңге иемденген - АягөзСемейде өзін полицеймін деп таныстырып жүрген алаяқ ұсталды"Кеңсе техникасын жөндеуші" ШҚО-да алаяқтықпен айналысып келген күдіктінің суреті жарияландыШҚО-да полиция киімін киіп, алаяқтық жасап жүрген әйел ұсталдыӨскемен тұрғыны көлігін жөндетемін деп алаяқтың құрбаны болды
