«QAZAQSTAN» ұлттық телеарнасының құрамына кіретін «Semei» арнасы - «Отау TV» спутниктік телевизиясына қосылды. Демек, енді осыдан былай дәл осы жергілікті арнада көрсетілетін барлық қызықты бағдарламаларды семейліктер ғана емес, сондай-ақ, Қазақстанның әр түкпірінде тұратын тұрғындар да тамашалай алатын болады.

Ақпарат айдынында елу жылдан астам тарихы бар бұл телеарна қазіргі таңда қарқынды даму үстінде. Осы уақатқа дейін бірнеше қызықты жобаларды жүзеге асырып, көптеген жас журналисттердің шеберлігін шыңдайтын, өнегелі тәрбие беретін ізгіліктің ордасына айналды. Бүгінде күн сайын үш рет көрермендерге жол тартатын «Семей» жаңалықтар қызметі мен таңертең ерте тікелей эфирде өтетін «Сәлем, Семей» бағдарламасы үздіксіз жұмыс жасауда.