Биыл мектепке 3 миллион бала барады
ҚР білім және ғылым министрі Ерлан Сағадиев 2018 жылы мектепке үш миллионнан аса баланың баратынын айтты, деп хабарлайды Алтайньюс тілшісі.
– 2018 жылы үш миллионнан аса бала мектепке барады, олардың 350 мыңы бірінші сыныпқа барады, – деді Сағадиев үкімет отырысы барысында.
Сондай-ақ, министр республикалық бюджет есебінен 110 мектептің салынып жатқанын, оның 72-сі биыл пайдалануға берілетінін айтып өтті.
– Жаңа оқу жылында жаңартылған оқулықтарға 3, 6, 8-сынып оқушылары өтеді. Педагогтар қажетті курстардан өтуде... Оқулықтардың электрондық нұсқасы енгізіліп жатыр, – деді Сағадиев.
Министрдің айтуынша, мектеп формасына қатысты ешқандай өзгеріс жоқ.