Кешеден бері Өскеменде Үлбі көпірі жабылып қалды. Бұл жағдай кептеліске душар етті. Кейбір тағатсызданған жүргізушілер тиым белгілеріне де қарамай, өтіп кетуге тырысқан еді, деп хабарлайды Алтайньюс тілшісі.

Көпірдің жабылуының себебін қала әкімдігінің баспасөз хатшысы түсіндіріп берді.

– Көпір де, көпірге бастап келетін көшелер де күрделі жөндеуден өтіп жатыр. Көпірдің енін ұлғайтып, әр бағытқа бір-бір тақта жол қосу жоспарланған, – деді Әсем Қайратбек.

Жөндеу жұмыстары қашан аяқталары беймағлұм. «Барынша тез бітіруге тырысып бағудамыз», дейді басшылық. Жүргізушілерге күтуге тура келеді. Ал жаяу жүргіншілерге бұл көпір мен көшелерден басқа жолмен қатынайтын автобустарды таңдаған жөн секілді.